Bugun Navoiy viloyati Qurilish va uy-joy kommunal xo‘jaligi bosh boshqarmasi jamoasiga yangi rahbar tanishtirildi.
Vazirning tegishli buyrug’iga muvofiq, Otaqulov Azizbek Azimjonovich Navoiy viloyati Qurilish va uy-joy kommunal xo‘jaligi bosh boshqarmasi boshlig‘i lavozimiga tayinlandi.
Tayinlov munosabati bilan o‘tkazilgan yig‘ilishda vazir o‘rinbosari Ozoda Jo‘rayeva ishtirok etib, soha oldida turgan ustuvor vazifalar, aholiga ko‘rsatilayotgan xizmatlar sifatini yanada oshirish, qurilish va uy-joy kommunal xo‘jaligi tizimida amalga oshirilayotgan islohotlarni samarali tashkil etish masalalariga to‘xtalib o‘tdi.
Tadbir davomida yangi rahbarning ko‘p yillik mehnat faoliyati va boshqaruv tajribasi e’tirof etildi hamda kelgusida sohani yanada rivojlantirish, aholi uchun munosib va qulay yashash sharoitlarini yaratish bo‘yicha muhim vazifalar belgilab berildi.
Otaqulov Azizbek Azimjonovichga mas’uliyatli faoliyatida muvaffaqiyatlar tilaymiz.
Navoiy viloyat qurilish va uy-joy kommunal xo‘jaligi bosh boshqarmasi matbuot xizmati.
