Ўзбекистон Республикаси Президентининг «Ўзбекистон Республикасида коррупцияга қарши курашиш тизимини такомиллаштириш бўйича қўшимча чора-тадбирлар тўғрисида»ги 2020 йил 29 июндаги ПФ-6013-сонли Фармони талабларини бажариш мақсадида вилоят Қурилиш бош бошқармаси мажлислар залида бошқарма ходимлари билан маънавият ва маърифат соати ташкил этилди. Унда вилоят Прокуратураси ва вилоят ички ишлар бошқармасидан таклиф этилган мутахассисларнинг мавзу юзасидан маърузалари тингланди.

       Сўзга чиққанлар томонидан, бугун жамиятни ташвишга солган иллат, коррупциянинг салбий оқибатлари ҳаётий мисоллар ёрдамида очиб берилди, қонунчиликда белгиланган тегишли нормалар ҳақида батафсил маълумот бериб ўтилди.

       Тадбир савол-жавоб ва мунозара тарзида кечди.