Reyd tadbirlari davom etmoqda
NOQONUNIY QURILGAN OBYEKT BARTARAF ETILDI
O‘zboshimchalik bilan qurilgan qurilishlarning umri qisqaligini tushunib yetgan fuqaro bunday behuda ishga vaqt ham, pul ham sarflamaydi. Negaki, MJtK 159-moddasida noqonuniy qurilma qurganligi uchun maʼmuriy javobgarlik mavjud.
Biroq, shunga qaramay salbiy holatlar uchrab turibdi.
Navoiy viloyat qurilish va uy-joy kommunal xo‘jaligi bosh boshqarmasi Navoiy shahar bo‘limi va boshqa mutasaddilar ishtirokida olib borilgan reyd tadbirlari davomida shaharning Faravon mahallasi Tarobiy ko‘chasida ko‘p qavatli uy devoriga yamashtirib o‘zboshimchalik bilan qurib olingan bog‘cha aniqlandi. Va noqonuniy obyekt qonunda ko‘rsatilgan tartibda bartaraf etildi.
Navoiy viloyat qurilish va uy-joy kommunal xo‘jaligi bosh boshqarmasi matbuot xizmati.
